चिनियाँ राष्ट्राध्यक्ष सी र फ्रान्सका राष्ट्रपति म्याक्रोनबीच टेलिफोन वार्ता

748 Shares

काठमाडौं– चिनियाँ राष्ट्राध्यक्ष सी चिनफिङ र फ्रान्सका राष्ट्रपति इमानुएल म्याक्रोनबीच टेलिफोन वार्ता भएको छ। दुई देशबीच स्थापना भएको दौत्य सम्बन्धको ६०औं वार्षिक उत्सवको पूर्वसन्ध्याको अवसरमा दुई नेताबीच संवाद भएको चिनियाँ संचार माध्यमहरुले बताएका छन्।

राष्ट्रपति सीलाई उदृत गर्दै चिनियाँ सञ्चार माध्यमले लेखेका छन्, ‘सन् २०२४ मा दुई देशबीच दौत्य सम्बन्ध स्थापनाको ६०औं वार्षिकोत्सव मनाइने छ र दुवै पक्षले चीन(फ्रान्स सम्बन्धलाई नयाँ उचाईमा पुर्‍याउनुपर्छ।’

फ्रान्ससँगको उच्चस्तरीय आदानप्रदानलाई कायम गर्ने, आपसी उच्चस्तरीय सांस्कृतिक तथा मानवीय आदानप्रदान संयन्त्रको नयाँ बैठक राम्रोसँग आयोजना गर्ने, शैक्षिक, सांस्कृतिक र वैज्ञानिक अनुसन्धान सहकार्यमा नयाँ प्रगति हासिल गर्ने र दुई देशका जनताबीच मैत्रीपूर्ण आदानप्रदानलाई अघि बढाउने इच्छा चीनले लिएको पनि सीले व्यक्त गरेका छन्। 

सम्बन्धित समाचार